خيرك يا وطني

خيرك يا وطني

أخ عصحن خبيزة من حوش هالدار

كان يجمعنا لما كنا بعدنا  صغار

ومزنرة بصل وخبز من بيت النار

وزيت زيتون أصلي وبطعمته محرار

وسحارة خشب معبية عكوب ومرار

والخضرة مشكلة بندورة معها خيار

من ريحته تعرفه قبل ما يفوت الدار

بالليل بزرعوها وبيبيعوها آخر النهار

الخضرة الأصيلة موجودة بالأغوار

غورك يا أردن كريم و طيب ومدرار

سلتك مليانة خير وبتشبع الزوار

يا أردن يا غالي عالصغار قبل الكبار

بدعي لربي كل ليلة ومعاها نهار

دوم يا خير الوطن ويا شعبنا المغوار

Leave a Reply

Your email address will not be published. Required fields are marked *